சிறகுகள் படபடக்க நிற்கும் இடத்திலிருந்து
கற்பனைக்கு எட்டாத உயரத்தில்
பறந்து கொண்டிருப்பாய்
உன் கைகளும் கால்களும்
அததன் போக்கில் தன்
கடமையைச் செய்து கொண்டிருக்கின்றன
வெகு யுகங்களாய்
யாரும் புரியாத சாதனையை
நீ நிகழ்த்திவிட்டதாய் உன்னை அறிந்தவர்கள்
புளகாங்கிதத்தோடு
புகழக்கேட்டிருப்பாய்
பாராட்டு மொழியில்
உன் உடல் முழுக்கவும்
உடலை இரும்பெனத் துளைக்கும்
பனிக்கட்டியாய்க் கெட்டித்துப் போயிருக்கும்
ஆனாலும், மறந்துவிடாதே
இந்த பூமியின் முளைக்குச்சியில்
மாயக் கயிற்றால் கட்டப்பட்டிருக்கின்றன
உனது கைகளும் கால்களும்
சிறகுகளோடு சேர்த்து.
கருத்துகள் இல்லை:
கருத்துரையிடுக